Attendy

Yo'riqnoma

Attendy'ni qanday ishga tushirish kerak

Ro'yxatdan o'tishdan birinchi xodim kelganini belgilaguncha taxminan 10 daqiqa ketadi. Quyidagi qadamlarni ketma-ket bajaring, hammasi shu sahifada tushuntirilgan.

Sizga kerak bo'ladi

  • Taxminan 10 daqiqa
  • Kompyuter yoki telefonda brauzer
  • Telegram
  • Ofisda bo'lish (filialni belgilash uchun)
  1. 1

    1-qadam

    Ro'yxatdan o'ting

    Saytning yuqori qismidagi «Bepul boshlash» tugmasini bosing va formani to'ldiring:

    1. Kompaniya nomi.
    2. Ismingiz.
    3. Telefon raqamingiz. Telegram hisobingiz ulangan raqamni kiriting: keyinroq Telegram botga ham shu raqam bilan ulanasiz.
    4. Raqamni tasdiqlang. «Telegramda kod olish» tugmasini bosing, botda «Start» va «📱 Raqamni yuborish» tugmalarini bosing. Bot 4 xonali kod yuboradi, uni formaga kiriting.
    5. Elektron pochta.
    6. Parol, kamida 8 ta belgi.
    7. Foydalanish shartlariga rozilik belgisini qo'ying va «Bepul boshlash» tugmasini bosing.

    Kabinetingiz shu zahoti ochiladi, parolni qayta kiritish shart emas. 14 kunlik bepul sinov muddati boshlanadi, bank kartasi so'ralmaydi.

  2. 2

    2-qadam

    Ish vaqtini tekshiring

    Kompaniyangiz uchun standart ish jadvali avtomatik ravishda yaratiladi:

    SozlamaStandart qiymat
    Ish kunlariDushanba – Juma
    Ish vaqti09:00 – 18:00
    Tushlik60 daqiqa

    Ish vaqtingiz boshqacha bo'lsa, kabinetdagi «Jadvallar» bo'limida o'zgartiring. Tizim kechikish va erta ketishni aynan shu jadvalga qarab hisoblaydi.

  3. 3

    3-qadam

    Filial (ofis) qo'shing

    Filial xodimlar kelib-ketishini belgilaydigan joy: ofis, do'kon, sex va hokazo. Filialsiz xodim qo'shib bo'lmaydi, shuning uchun bu qadamni o'tkazib yubormang.

    1. «Filiallar» bo'limida «Filial qo'shish» tugmasini bosing.
    2. Filialga nom bering, masalan «Bosh ofis».
    3. Xaritada ofisingiz joylashgan nuqtani belgilang. Eng aniq natija uchun buni ofisning o'zida turib bajaring.
    4. Radiusni tanlang. Bu ofis atrofidagi ruxsat etilgan masofa: standart qiymati 150 metr, 30 metrdan 1000 metrgacha belgilash mumkin. Xodim shu doiradan tashqarida bo'lsa, kelganini belgilay olmaydi.
    5. Saqlang.
  4. 4

    4-qadam

    QR kodni chop eting va osib qo'ying

    Har bir filial uchun alohida QR kod yaratiladi.

    1. Filial sahifasida «QR poster (PDF)» faylini yuklab oling.
    2. Uni A4 qog'ozga chop eting.
    3. Xodimlar kirish va chiqishda albatta ko'radigan joyga osib qo'ying, masalan kirish eshigi yoki resepshn yoniga.

    Bitta QR kod ham kelishni, ham ketishni belgilaydi. Qaysi biri ekanini tizim o'zi aniqlaydi.

  5. 5

    5-qadam

    Xodimlarni qo'shing

    1. «Xodimlar» bo'limida «Xodim qo'shish» tugmasini bosing.
    2. Ism-familiyasini kiriting.
    3. Telefon raqamini kiriting. Bu juda muhim: xodim Telegram'ga aynan shu raqam bilan ulanadi.
    4. Filialni tanlang.
    5. Xohlasangiz, lavozim, oylik maosh, ishga kirgan sana yoki boshqa ish jadvalini ham ko'rsating.
    6. Saqlang.

    Xodim ro'yxatda «Taklif qilingan» holatida paydo bo'ladi. U Telegram botga ulangach, holati «Faol»ga o'zgaradi.

  6. 6

    6-qadam

    Xodimlar Telegram botga ulanadi

    Har bir xodim botga bir marta ulanadi. Ilova o'rnatish, login yoki parol kerak emas. Quyidagi matnni nusxalab, xodimlaringizga yuboring.

    Xodimlarga yuboriladigan matn

    Assalomu alaykum! Ishga kelib-ketishni endi Telegram orqali belgilaymiz. 1. Telegram'da @attendyuz_bot botini oching va «Start» tugmasini bosing. 2. «📱 Telefon raqamni yuborish» tugmasini bosing. 3. Bot «Bog'landi» deb javob beradi va DAVOMAT tugmasini ko'rsatadi. Ishga kelganingizda DAVOMAT → «Skanerlash» tugmasini bosing va ofisdagi QR kodni skanerlang. Ketishda ham xuddi shunday qilasiz.

    Botni ochish
  7. 7

    7-qadam

    Birinchi skanerlash

    Xodim ofisga kelganda quyidagilarni bajaradi:

    1. Botdagi DAVOMAT tugmasini bosadi.
    2. «Skanerlash» tugmasini bosadi.
    3. Telefon kamera va joylashuvdan foydalanishga ruxsat so'raydi. Ikkalasiga ham ruxsat beradi.
    4. Kamerani devordagi QR kodga qaratadi.

    Hammasi to'g'ri bo'lsa, ekranda «Keldi ✅» yozuvi va vaqt ko'rinadi. Ish kuni tugaganda xodim xuddi shu QR kodni yana skanerlaydi va «Ketdi» deb belgilanadi.

    Siz esa kabinetdagi «Bugun» sahifasida kim kelgani, kim kechikkani va kim hali kelmaganini real vaqtda ko'rib turasiz.

Qo'shimcha

Rahbar sifatida Telegram'ga ulaning

Bu majburiy emas, lekin tavsiya etiladi. Kabinetda «Telegramni ulash» tugmasini bosing yoki @attendyuz_bot botiga ro'yxatdan o'tishda kiritgan telefon raqamingizni yuboring. Shundan so'ng bot sizga quyidagilarni yuboradi:

  • kechikkan va kelmagan xodimlar haqida xabarlar;
  • kunlik, haftalik va oylik hisobotlar;
  • xodimlarning ta'til va javob so'rovlari. Ularni bitta tugma bilan tasdiqlaysiz.

Muammolar

Ko'p uchraydigan muammolar

Xodim skanerlay olmasa, bot sababini yozib beradi. Quyidagi jadvaldan javobini toping.

  • «Ofisdan uzoqdasiz»

    Sababi
    Xodim filial radiusidan tashqarida
    Nima qilish kerak
    Ofis ichiga kirib qayta urinsin. Ko'p takrorlansa, radiusni kattalashtiring yoki xaritadagi nuqtani tekshiring.

  • «Joylashuv aniqlanmadi yoki aniq emas»

    Sababi
    GPS o'chiq yoki signal kuchsiz
    Nima qilish kerak
    Telefonda joylashuvni yoqsin, Telegram'ga ruxsat bersin va deraza yoniga borib qayta urinsin.

  • «QR kod topilmadi»

    Sababi
    Eski poster yoki boshqa QR kod
    Nima qilish kerak
    Kabinetdan yangi posterni chop eting.

  • «Hali erta»

    Sababi
    Smena boshlanishiga 3 soatdan ko'proq vaqt bor
    Nima qilish kerak
    Kelishni ish boshlanishidan ko'pi bilan 3 soat oldin belgilash mumkin.

  • «Juda tez»

    Sababi
    «Keldi»dan keyin hali 2 daqiqa o'tmagan
    Nima qilish kerak
    Biroz kutib, ketishda skanerlasin.

  • «Bugun allaqachon belgilangansiz»

    Sababi
    Kelish ham, ketish ham belgilangan
    Nima qilish kerak
    Hech narsa qilish shart emas, ish kuni yopilgan.

  • «Obuna faol emas»

    Sababi
    Sinov yoki to'lov muddati tugagan
    Nima qilish kerak
    Kabinetdagi «To'lov» bo'limida tarifni faollashtiring. Ma'lumotlaringiz o'chib ketmaydi.

Savolingiz qoldimi?

Biror qadamda qiynalsangiz, bizga yozing yoki qo'ng'iroq qiling. Sozlashda yordam beramiz.

Bog'lanish

Ertadan boshlab davomatni tizim orqali yuriting

Ro'yxatdan o'tish 2 daqiqa vaqt oladi. Dastlabki 14 kun bepul, karta talab qilinmaydi.

Bepul boshlashSavollaringiz bormi?